Somali/Soomaali

Warbixin Muhiim ah: Wakhti xaadirkan waa la qaaday mamnuucidi qaxootiga iyo fiisooyinka waxaana diiday maxkamadaha dalka Mareykanka. Tani macnaheeda waxaa waaye hada in loo ogolyahay dib udejinta qaxootiga dalka Mareykanka iyo dadka kasoo jeeda todobadi wadan ee horay loo mamnuucay ee kala ahaa Iran, Iraq, Sudan, Syria, Libya, Somalia iyo Yemen in aay usafri karaan kana safri karaan wadanka Mareykanka wakhti xaadirkan. Si kastaba ha ahaatee, waxaan weli kula talineynaa dadka kasoo jeedaa todobadi wadan oo horay loo mamnuucay in aaysan safrin hadii aaysan jirin wax dag dag ama amarjansi ah maxaa yeelay xaalada waxaa laga yaabaa in aay isku badasho wax dhow. Haddii adiga ama qof aad taqaanid aay usoo socdaaleyso Mareykanka loona diido in uu soo galo wadanka waa in aad la xiriirtid airport@refugeerights.org ama wac xafiiska qareenada caalamiga ah ee ACLU ee kuyaala magaaladaada. Waan ognahay in aay tahay wakhti adag oo aay jiran waxyaabo badan oo walaac ah. Waxaan isku dayeeynaa in aan idin soo gudbino warbixinada ayaga oo ku turjuman luuqadaha qaxootiga marki aan helno warbixino cusub oo ku aadan sharciyada.

Madaxweyne Trump waxaa usoo saaray amar madaxweyne kasoo isedel la taaban karo kusameeyay barnaamijka dib u dejinta qaxootiga ee Mareykanka.

Amar madaxweyne waa amar uu bixiyo madaxweynaha kaasoo loo daweeyo sida sharciga ah dalka Mareykanka ah. Maxaa yeelay, dib u dejinta qaxootiga waxaa kantaroola Madaxweynaha Mareykanka wax ayuu ka badali karaa barnaamijka dib udejinta. Si kastaba ha ahaatee, amarka madaxweynaha ma carqaladeen karo dastuurka ama shuruucda aay soo saaraan aqalka barlamaanka.

Muxuu amarka madaxweynaha uga turjumayaa qaxootiga?

  1. Amarka waxaa uu joojinayaa dib udejinta qaxootiga 120 ka maalmood ee soo socda.

Taas macnaheedu waxa weeye in aan loo ogolaan doonin in qaxootiga dib u dajin oo dalka Mareykanka ah ee 120 maalmood ee soo socda. Tani macnaheeda waxaa waaye in aay dib udhici doonan imtixaanaadki iyo baritanadi lagu sameeyo dibada.

2.      Amarka madaxweynaha waxaa uu joojinayaa dhamaan qaxootiga dalka Syria ka imanayo oo soo galayo Mareykanka. Taas macnaheeda waxaa waaye in aan loo ogolaan doonin qaxootiga Syria in aay soo galaan Mareykanka ilaa wax laga badalo amarka madaxweynaha. Majirto mudo loo cayiman tani.

3.       Amarka ayaa sidoo kale ka mamnuucaya shakhsiyaadka ka yimid dalalka qaar in aay soo galaan Maraykanka 90 maalmood.Wadamadaas waxaa ka mid ah: Iran, Iraq, Sudan, Suuriya, Liibiya, Soomaaliya, Yemen. 90 maalmood ka dib, mamnuucidda in  lagaqaado ayaa laga yaabaa  dadka qaarkood. Haddii aad kasoo jeedid ama aad katimid todobadaas wadan oo mamnuucay, waa in aadan safrin wakhtigan. Haddii adiga ama qof aad taqaanid loo xiro si sharci daro ah waa in aad la xiriirtid airport@refugeerights.org ama wac ururka udooda xuquuqda ee gobalka aad joogtid ee ACLU

4.       Amarkan wuxuu hoos udhigaya tirada guud ee qaxootiga kuwaas oo iman kara  Mareykanka sanadka 2017, laakiin weli waxaa u ogolaanaya in 25,000 oo qaxooti aay imaadaan. Ma ogin qaxootiga iman doona iyo goorta loo ogolaan doono in aay Mareykanka kusoo galaan deb udejin.

Sidee buu ii sameyn doona amarka Madaxweynaha?

1.      Hadii aad tahay qaxooti hore ujoogay dalka Mareykanka, amarkan kuma yeelanayo wax saameyn ah xaga sharcigaaga. Weli waxaad leedahay joogistaadi sharciyeesnayd. Waxaad dalban kartaa ama codsan kartaa kaarka cagaaraan ama Green cardka marka aad degnaatid wadanka hal sano.

2.      Haddii aad sugaysid xubin qoyska ka mid ah in dib u dajin Maraykanka laga siiyo  ama in aay kugu soo biiraan waxaa laga yaabaa in aay ku qaadato mudo dheer inta aaysan imaanin Mareykanka kahor. Haddii xubinta qoyskaaga uu kamid yahay dalalka laga mamnuucay inay soo galaan Maraykanka, looma ogolaan doono in ay yimaadaan Maraykanka ilaa amarka madaxweynaha labadalo. Ka waran hadii aad ubaahantahay caawinaad sharci ah?

Haddii aad qabto wax welwel ah oo sharci ah oo degdeg ah sababtoo ah EO ama aad leedahay xubno qoyskaaga kamid ah oo qaxooti ah oo qorsheeynaya in ay yimaadaan Mareykanka, waxaad la xiriiri kartaa Project Assistance Refugee International ka. IRAP ayaa kusiin karaan talo iyo warbixin, laakiin ma laha awood ay ku keeni karaan wadanka Mareykanka qof uu mamnuucay sharciga Madaxweynaha. info@refugeerights.org

Maxaad sameyn kartaa?

Qaxooti ahaan waxaad soo martay marxalado aad uadag. Laakin waan ognaahay in aad xoog leedahay. Hada, waxaa jira 3 walxood oo aad sameyn kartid:

  1. Xusuuso, in aad tahay xubin muhiim ah oo ka tirsan dalka Mareykanka. Waan ognahay in aad waxyaabo badan oo qiimo leh aad kusoo kordhisid wadankeena. Dadka Mareykanka intiisa badan waa usoo dhaweeyaa qaxootiga.
  2. Hadii aad isleedahay amni ayaad haysataa fadlan nala wadaag sheekadaada. Xiligan la joogo, waa muhiim in dadka kale ee Mareykanka ah aay fahmaan maqlaana sheekooyinka qaxootiga.
  3. Caawa dadka kale oo adiga camal ah. La wadaag macluuumaadkan ttps://therefugeecenter.org/
  4. Hadii aadan hada ahayn wadani Mareykan ah oo aad wadankana joogtay in muda ah waa hada wakhtigi aad noqon lahayd wadani Mareykan ah. Waxaad ka qaadan kartaa fasalada laga barto imtixaanka baasaboorka ama imtixaanka lagu noqdo wadani Mareykan oo lacag la’aan ah bartan: http://classroom.therefugeecenter.org/programs/citizenship-preparation

 

Ka waran hadii aad tahay qof la jirdilay ama naceeb lala beegsaday?

Haddii aad tahay dhibane lala beegsaday dambi, waxaad wacdaa booliska: 911

Haddii aad ogtahay ama aad taqaanid qof lagu midibtakooray diintiisa ama koox uu ka tirsanyahay waa aad sheegtid: https://www.splcenter.org/reporthate

 

Ka waran hadii aad qabtid suaalo kale?

Haddii aad qabtid suaalo kale fadlan email udir RCO: info@therefugeecenter.org

 

Yaa udoodaya qaxootiga?

Wadanka Mareykanka waxaa jira urur caalami ah oo la dhaho Refugee Council USA kasoo la shaqeynaya maamulka si uu xaqiijiyo in lasii wadato dhaqanki qurxoonaa ee Mareykanka ee ku aadan dib udejinka qaxootiga inuu sii socdo. Ururo badan ayaa ka mid ah kooxahan oo aay kamid yihin dhamaan hay’adaha caalamiga ah ee dib udejinta. Ururadan iyo dadka mareykanka ah badankood waxaa aay kuligood utaaganyihiin qaxootiga.

 

 

Enter your email address to receive the latest information on policies for refugees and immigrants.